وايد منا سمع عن زيت جوز الهند و معجزاته، وله عدة استعمالات خصوصا للبشرة و الجمال، اهوا معروف انه يشفي البشره و يحميها، انا استعمله كمرطب للبشرة و ساعد في حل مشاكل بشرتي، واهوا بنفس الوقت يحمي البشرة من الشمس و يشفي الحروق، شغلته ان يغذي البشره و يعيد لها شبابها لان فيه نسبة عالية من فيتامين هاء و لا ننسى ان يعتبر مرطب قوي حق الشعر، و لو بنتكلم عن زيت جوز الهند من اليوم ليه سنة جدام ما راح نخلص.
اليوم بعرض لكم استعمالات لزيت جوز الهند المختلفه تماما عن الجمال و البشره و الشعر، تقدرون تستعملونه في بيوتكم بدون اي مشاكل:
-تقدرون ترطبون و تلمعون اسطح الخشب و اثاثكم الخشبي بقطعة قماش ناعمة وشوية زيت جوز الهند( يفضل انكم اول شي تجربون تسوونها في مكان صغير من الي بتلمعونه)ه
-شي ثاني، انكم تلمعون الجلود الطبيعية بالزيت( و افضل انكم تسوونها على الجلود اللامعة و هم لا تنسون تجربون في مكان صغير قبل لا تبلشون بالجلد كله)ا
_لصق علچ (لبان) على شعرج او على السجاد و ما قادره تتخلصين منه؟ بسيطه! صبي عليه زيت جوز الهند و خليه و نطري تقريبا ٢٠ دقيقة بعدين مسحيه و شيليه و بتشوفين السهولة.
-من هاذا الزيت تقدرون تلمعون فيه نباتاتكم، اخذوا قطعة قماش ناعمه بلليها بالزيت و مسحي فيهم اوراق النباتات عشان تحصلين على نباتات لامعة و تشرح النفس.
_تعرفون لما تشيلون ليبل او ستيكر سعر من تحت الطبق او من قطعة لاصق فيها استيكر السعر؟ عادة راح يكون فيه بقايا اللزاق و يكون دبق، و الحل اهوا زيت جوز الهند، صبي عليه الزيت و خليه ينقع ١٥ دقيقه و على طول راح يروح من نفسه.
-ايدج حاشها واكس( شمع) او الوان صبغ او اي شي لصق فيها؟ دهني المنطقه بالزيت العجيب و النتيجه تمام التمام.
-اخر شي، وايد شموع لما نشبهم و يوصل الوقت اللي الشمع السائل ينمزج مع خيط الشمعه ( مادري شيسمونه) و بيخرب لج الشمعة بكبرها. فمالكم الا انكم تدهنون خيط الشمعه بزيت جوز الهند و بتلقون ان الخيط و الشمع مستحيل ينمزجون.
اتمنى كان الموضوع شيق و فادكم في بيوتكم
موضوع رائع
ReplyDeleteشركة نقل عفش بالرياض
ReplyDeletethank you
برمجة مواقع